Shkëmb Manaj është deputet i Kuvendit të Kosovës nga Lidhja Demokratike e Kosovës (LDK). Ai është Kryetar i Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit. Z.Manaj filloi karrierën e tij në shërbimin civil në tetor të vitit 2007 në Ministrinë e Administratës Publike, përkatësisht, në Departamentin e Administratës së Shërbimit Civil në pozitën e Zyrtarit të Lartë për Menaxhimin dhe Koordinimin e Reformës së Administratës Publike në Kosovë. Në vitin 2009, ai u zgjodh Drejtor i Departamentit të Administratës Qendrore në Ministrinë e Kulturës, Rinisë dhe Sporteve. Nga viti 2010 deri në vitin 2011, ai ishte Sekretar i Përgjithshëm i MKRS-së. Në vitin 2012, ai mori titullin e Drejtorit të Departamentit Ligjor në Ministrinë e Kulturës, Rinisë dhe Sporteve, pozitë që e mbajti deri në vitin 2013. Z.Manaj përfundoi studimet themelore dhe studimet pasuniversitare në nivelin master në Fakultetin Juridik të Universitetit të Prishtinës. Aktualisht është duke njdekur studimet e doktoratës në Fakultetin e Drejtësisë të Universitetit Evropian të Tiranës, Departamenti i të Drejtës Publike.

Avdullah Hoti është Kryeministër i Kosovës që nga 3 qershori i vitit 2020. Ai ka shërbyer si Ministër i Financave i Kosovës gjatë viteve 2014 dhe 2017 në qeverinë e koalicionit PDK / LDK. Z. Hoti ka qenë i angazhuar si Zëvendës Kryeministër i Parë, Ministër i Financave si dhe Shef i Grupit Parlamentar të Lidhjes Demokratike të Kosovës (LDK) në legjislaturën e gjashtë të Kuvendit të Republikës së Kosovës. Z. Hoti ka një rol aktiv në negociatat e ndërmjetësuara nga Bashkimi Evropian midis qeverive të Serbisë dhe Kosovës. Ai u bë pjesë e partisë politike LDK-së në vitin 2006. Hoti u zgjodh si nënkryetar i Prishtinës në zgjedhjet komunale të vitit 2008. Ai mbajti atë pozitë deri në zgjedhjet e ardhshme komunale në 2013. Më pas, ai ishte kandidat për Kryeministër të Kosovës në zgjedhjet parlamentare të vitit 2017 në Kosovë. Ai u bë shefi i grupit parlamentar të LDK-së nga viti 2017 deri në 2020, kur mori detyrën si Zëvendës Kryeministrit i Parë. Gjatë viteve 2006-2007 ai shërbeu si Këshilltar i Lartë i Ministrit të Arsimit, Shkencës dhe Teknologjisë. Gjatë viteve 2008-2009 ai ka punuar si këshilltar i Kryetarit të Komunës së Prishtinës për ekonomi, dhe më pas si Nënkryetar i Komunës së Prishtinës gjatë viteve 2010-2013. Që nga viti 2006, ai është anëtar i Këshillit të Përgjithshëm të LDK-së, dhe që nga viti 2010 anëtar i Kryesisë së LDK-së. Që nga viti 2011 ai ka menaxhuar Këshillin e Ekspertëve të LDK-së. Ai përfundoi studimet Bachelor në Universitetin e Prishtinës dhe vazhdoi me studimet Master dhe PhD në Universitetin Staffordshire të Mbretërisë së Bashkuar. Në vitin 1998, z.Hoti filloi karrierën e tij të mësimdhënies si asistent në Universitetin e Prishtinës, Departamenti Eknomik, dhe që nga viti 2017 ai është Profesor i rregullt.

Veton Berisha është deputet i Kuvendit të Republikës së Kosovës nga Partia Liberale Egjiptiane (PLE). Z. Berisha është anëtar i grupit parlamentar Nisma – Akr – 6+ dhe anëtar i Komisionit për Integrim Evropian, Komisionit për Buxhet dhe Transfere, Komisionit për të Drejtat dhe Interesat e Komuniteteve dhe Kthim, Komisioni për të Drejtat e Njeriut, Barazi Gjinore, per Persona të Pagjetur dhe Peticione, Komisionit Hetimor Parlamentar në lidhje me menaxhimin e pandemisë së virusit "COVID-19" nga ana e Qeverisë së Republikës së Kosovës. Z. Berisha përfundoi studimet pasuniversitare në nivelin master në Fakultetin Juridik në drejtimin Civilo-Juridik.

Madeleine K. Albright është profesore, autore, diplomate dhe biznesmene që shërbeu si Sekretarja e 64-të e Shteteve të Bashkuara të Amerikës. Në 1997, ajo u emërua sekretarja e parë grua e shtetit dhe u bë gruaja me rangun më të lartë në historinë e qeverisë së SHBA-së. Nga viti 1993 deri në vitin 1997, Dr. Albright shërbeu si Përfaqësuese e Përhershëme e SHBA-së në Kombet e Bashkuara dhe si anëtare e kabinetit të Presidentit. Ajo është lektore në Praktikën e Diplomacisë në Shkollën e Shërbimit të Jashtëm të Universitetit Georgetown. Dr. Albright është Kryetare e Albright Stonebridge Group, një firmë strategjike globale dhe Kryetare e Albright Capital Management LLC, një firmë këshilluese për investime e përqendruar në tregjet në zhvillim. Ajo gjithashtu kryeson Institutin Kombëtar Demokratik, shërben si presidente në Fondacionin e Bursave Truman dhe është anëtare e Bordit të Politikave të Mbrojtjes të Departamentit të Mbrojtjes së SHBA-së. Në vitin 2012, ajo u dekorua nga Presidenti Obama për të marrë nderin më të lartë civil të kombit, Medaljen Presidenciale të Lirisë, në njohje të kontributeve të saj në paqen ndërkombëtare dhe demokracinë. Dr. Albright është zgjedhur shtatë herë si autorja me librat më të shitur në New York Times. Libri i saj më i fundit, Ferri dhe Destinacione të tjera, u botua në Prill 2020.