Ambasadorja Soderberg është drejtore e zyrës së Institutit Kombëtar Demokratik në Kosovë. Ajo iu bashkua NDI-së me përvojë prej tre dekadash në promovimin e demokracisë në Kongresin Amerikan, Shtëpinë e Bardhë, në Kombet e Bashkuara dhe organizata të mëdha jofitimprurëse. Po ashtu, ajo ka përvojë të konsiderueshme në mbështetjen e fushatave presidenciale në SHBA, duke punuar në politikat shtetërore dhe lokale dhe duke kandiduar për pozita vendimmarrëse. Ambasadorja Soderberg është eksperte në zgjidhjen e konflikteve, paqeruajtjen dhe avancimin e rolit të grave në demokraci. Më 1995 ishte gruaja e parë e emëruar si Zëvendës Këshilltare e Sigurisë Kombëtare dhe më vonë në 1997 si Përfaqësuese Alternative për Shtetet e Bashkuara në Kombet e Bashkuara, me gradën e Ambasadorit. Nga periudha 2011-2014, ajo shërbeu si Kryetare e Bordit të Deklasifikimit të Interesit Publik. Ajo ka shërbyer gjithashtu si Presidente e “Connect U.S. Fund”, një iniciativë për të promovuar angazhimin e SHBA-ve në sfidat e sigurisë kombëtare dhe si Zëvendës Presidente e Grupit Ndërkombëtar të Krizave, një organizatë globale për parandalimin e konflikteve. Ambasadorja Soderberg shërben si Nënkryetare e Komitetit Kombëtar për Politikën e Jashtme Amerikane dhe është anëtare e Këshillit për Marrëdhëniet me Jashtë. Ajo ka kandiduar për të përfaqësuar Distriktin e 6-të shtetit të Floridas në Dhomën e Përfaqësuesve në vitin 2018. Ajo gjithashtu ligjeron në Universitetin e Floridës Veriore. Ambasadorja Soderberg ka përufnduar studimet master në Shkollën e Shërbimit të Jashtëm të Universitetit Georgetown, ndërsa studimet themelore i ka përfunduar në Universitetin Vanderbilt. Po ashtu, është komentuese e rregullt në media kombëtare dhe ndërkombëtare si dhe autore e disa librave dhe artikujve të shumtë mbi politikën e jashtme amerikane.

Si UD Drejtore e Misionit të USAID në Kosovë, Kerry Monaghan-Hogler është anëtare karriere e Shërbimit të Jashtëm të Lartë me më shumë se 26 vjet përvojë zhvillimi ndërkombëtar, duke përfshirë 19 me USAID-in. Para se të shërbente në Kosovë, znj. Monaghan-Hogler ishte Drejtore e Qendrës së USAID-it për Menaxhimin e Kapitalit Njerëzor dhe Talenteve për Planifikimin e Fuqisë Punëtore, Politikat dhe Menaxhimin e Sistemeve, ku ajo udhëhoqi Politikat e Agjencisë për Burime Njerëzore, Strategjinë, Planifikimin e Fuqisë Punëtore, Sistemet e IT dhe FS, dhe sistemet e Menaxhimit të Performancës dhe Promovimit. Ajo ka shërbyer gjithashtu si Drejtore e Zyrave për Demokraci dhe Qeverisje në Guatemalë dhe Ukrainë. Para se t'i bashkohej USAID-it, znj. Monaghan-Hogler ka punuar në programet e demokracisë dhe qeverisjes në Jemen, Kosovë dhe Irak. Me origjinë nga Teksasi, znj. Monaghan-Hogler ka përfunduar studimet e nivelit bachelor në Shkenca Politike në Kolegjin Davidson, studimet e magjistraturës në Studime Ndërkombëtare nga Universiteti i Karolinës së Jugut dhe mban një diplomë MS në Sigurinë Kombëtare nga Kolegji Kombëtar i Luftës.

Beate Katja Elsässer shërben si Drejtore e Zyrës për Bashkëpunim në Ambasadën e Zvicrës. Para këtij roli, ajo ishte Zëvendës Drejtore e Divizionit për Evropën Lindore dhe Azinë Qendrore në Agjencinë Zvicerane për Zhvillim dhe Bashkëpunim (SDC) e cila mbulon dymbëdhjetë vende. Ajo ka mbajtur pozita të larta duke përfshirë pozitën e Sekretares së Parë në Misionin e Përhershëm të Zvicrës në Kombet e Bashkuara në Nju Jork dhe Zëvendës Drejtore e Misionit/Drejtore e Bashkëpunimit në Ambasadën e Zvicrës në Bangladesh. Beate kreu studimet e saj master në Universitetin e Amsterdamit, Holandë.

Vjosa Osmani-Sadriu është Presidente e Republikës së Kosovës. Me votën e Kuvendit të Kosovës, Vjosa Osmani u zgjodh dhe u betua Presidente e Republikës më 4 prill 2021. Ajo ka diplomuar në Fakultetin Juridik në Universitetin e Prishtinës dhe ka diplomë në nivelin master dhe Ph.D. në të Drejtën Ndërkombëtare nga Universiteti i Pittsburgut në Pensilvani, SHBA. Nga viti 2006 deri në vitin 2010, Vjosa Osmani ka shërbyer si Shefe e Kabinetit të Presidentit të Republikës së Kosovës, z. Fatmir Sejdiu, si dhe si Këshilltare e Lartë për Çështje Juridike dhe Marrëdhënie Ndërkombëtare. Gjatë kësaj kohe, Osmani ka përfaqësuar Presidentin në Komisionin për hartimin e Kushtetutës së Republikës së Kosovës dhe ka qenë gjithashtu anëtare e ekipit ligjor të Gjykatës Ndërkombëtare të Drejtësisë të Republikës së Kosovës, duke mbrojtur me sukses ligjshmërinë ndërkombëtare të Deklaratës së Pavarësisë së Kosovës. Presidentja Osmani më vonë shërbeu si deputete e Republikës së Kosovës duke u zgjedhur në pesë mandate radhazi. Si deputete ajo kryesoi Komisionin Parlamentar të Punëve të Jashtme, Komisionin për Integrime Evropiane dhe ishte zëvendëskryetare e Komisionit për Reformën Kushtetuese. Ajo shërbeu si kryetarja e parë grua e parlamentit nga data 3 shkurt 2020, dhe si ushtruese e detyrës së Presidentes nga data 5 nëntori 2020 – duke mbajtur të dyja funksionet deri më 22 mars 2021. Gjatë mandatit të saj të fundit në parlament ajo doli si kandidate për Presidente duke marrë numrin më të lartë të votave të çdo kandidati në historinë e Kuvendit të Kosovës. Dr. Osmani ka ligjëruar në Universitetin e Prishtinës, në Universitetin Amerikan të Kosovës (RIT) dhe në Universitetin e Pitsburgut. Në vitin 2017, ajo mori Çmimin Ndërkombëtar të Arritjeve të të Diplomuarëve të Rinj të Universitetit të Pittsburgh Sheth dhe ka shërbyer si anëtare e Bordit të Rrjetit Parlamentar në Bankën Botërore dhe FMN.

Ambasadorja Geeta Rao Gupta është ambasadorja e katërt e Përgjithshëm për Zyrën e Sekretarit për Çështjet Globale të Grave në Departamentin e Shtetit të SHBA. Ajo ka shërbyer më parë si anëtare e lartë në Fondacionin e Kombeve të Bashkuara dhe Këshilltare e Lartë për Co-Impact, një filantropi globale bashkëpunuese për ndryshimin e sistemeve. Nga viti 2012 deri në vitin 2016, Ambasadori Rao Gupta shërbeu si Zëvendës Drejtor Ekzekutiv i Programeve në UNICEF dhe para kësaj si anëtar i lartë në Fondacionin Bill dhe Melinda Gates. Më parë, Gupta shërbeu si Presidente e Qendrës Ndërkombëtare për Kërkime mbi Gratë (ICRW) për më shumë se një dekadë. Ambasadori Rao Gupta ka kryesuar gjithashtu borde të shumta duke përfshirë Bordin Këshillimor Global të Women Lift Health, një iniciativë për të promovuar lidershipin e grave në shëndetin global dhe ka shërbyer si anëtare e Komitetit të Pavarur Mbikëqyrës dhe Këshillimor të OBSH-së për Emergjencat Shëndetësore, Bordit të Fondacionit UBS Optimus dhe Bordi Këshillimor i Merck për Nënat. Ajo shërbeu gjithashtu si Komisionere për Komisionin Lancet-SIGHT për Shëndetin, Barazinë Gjinore dhe Paqen. Ajo është marrëse e çmimeve të shumta, duke përfshirë çmimin Julia Taft të InterAction për Lidership të Shquar, Çmimin Anne Roe të Universitetit të Harvardit dhe çmimin "Gratë që kanë kuptimin e biznesit" të Washington Business Journal. Ambasadori Rao Gupta mban titullin Ph.D. në Psikologji nga Universiteti Bangalore dhe një M.Phil. dhe M.A. nga Universiteti i Delhi në Indi.

Gresa Caka-Nimani është zgjedhur Kryetare e Gjykatës Kushtetuese të Republikës së Kosovës, më 17 maj 2021. Ajo është dekretuar si gjyqtare e kësaj Gjykate më 30 dhjetor 2015. Deri në emërimin e saj në Gjykatën Kushtetuese, ajo ka shërbyer si Këshilltare e Lartë Ligjore dhe Udhëheqëse e Ekipit të Zyrës për Demokraci dhe Qeverisje në Agjencinë Amerikane për Zhvillimin Ndërkombëtar (USAID), me përgjegjësinë për të menaxhuar e zbatuar prioritetet strategjike amerikane në mbështetje të institucioneve të Kosovës, me theks në procesin e hartimit të Kushtetutës së Republikës së Kosovës dhe përforcimin e avancimin e mekanizmave të demokracisë dhe sundimit të ligjit në Kosovë. Ajo është e arsimuar në Republikën e Kosovës dhe Austri, përfshirë ndërlidhur me studimet e doktoratës të fokusuara në ndërkombëtarizimin e kushtetutbërjes, publikuar pjesërisht në “Kushtetutbërësit për Kushtetutbërjen” nga Cambridge University Press në vitin 2022, ndërsa është trajnuar në çështje që ndërlidhen me demokracinë, sundimin e ligjit dhe lidershipin nga programe të Qeverisë Amerikane në Kosovë e Shtete të Bashkuara të Amerikës, përfshirë programet për liderë të Institutit Ekzekutiv Federal. Ajo është bartëse e disa çmimeve dhe mirënjohjeve, përfshirë çmimin “Michael K. White Memorial Award” për kontribut në hartimin e Kushtetutës së Republikës së Kosovës.

Jeta Statovci është deputete e Kuvendit të Kosovës nga radhët e Partisë Guxo, grupi parlamentar i Lëvizjes Vetëvendosje (LVV). Znj. Statovci është zëvendëskryetare e Komisionit për Ekonomi, Industrinë, Ndërmarrësi dhe Tregtinë dhe anëtare e Komisionit për Buxhet dhe Transfere. Ajo mban diplomë Master Shkence në Ekonomi Shëndetësore nga London School of Economics.

Blerta Deliu - Kodra është deputete e Kuvendit të Kosovës nga radhët e Partisë Demokratike të Kosovës (PDK). Ajo është anëtare e Komisionit për Legjislacion, Mandat, Imunitete, RoP dhe Agjencinë Kundër Korrupsionit dhe Komisionit për Integrime Evropiane. Znj. Deliu Kodra ka përfaqësuar PDK-në në katër legjislaturat e kaluara. Ka përfunduar studimet master në Arte dhe Shkenca Politike, si dhe momentalisht po vazhdon studimet e doktoraturës në Universitetin “Shën Kirili i Metodi” me fokus në Arte dhe Dramë. Para mandatit të saj të parë politik, ajo ka pasur një përvojë të gjatë në gazetari dhe moderim, duke punuar si gazetare dhe prezantuese në Radio Televizionin e Kosovës (RTK) nga viti 2002 deri në vitin 2010. Për më tepër, ajo ka marrë pjesë në prodhime të ndryshme teatrale, filma të shkurtër, drama, radio drama dhe seriale që nga viti 2003. Fokusi i saj kryesor mbetet përfshirja më e madhe e vajzave dhe grave në politikë dhe në të gjitha pozitat vendimmarrëse.

Hykmete Bajrami është politikane shqiptare nga Kosova. Në legjislaturën e katërt më 2011, u zgjodh deputete e Kuvendit të Kosovës nga radhët e LDK-së. Më 17 korrik 2014, u emërua Ministre e Ministrisë së Tregtisë dhe të Industrisë në Kosovë dhe shërbeu deri në vitin 2017. Më 3 shkurt 2020 filloi shërbimin si Ministre e Ministria e Arsimit, Shkencës dhe Teknologjisë.

Znj. Arbërie Nagavci është politikane dhe profesioniste e shquar në fushën e arsimit. Ajo e ka ndërtuar karrierën e saj profesionale duke shërbyer në mënyrë sistematike në të gjitha shkallët e sistemit arsimor, që nga mësimdhënia e udhëheqja e institucioneve arsimore, e deri në Kuvendin e Kosovës, e më pas në nivelet më të larta të pushtetit lokal e qendror. Pas shumë vitesh si mësimdhënëse dhe drejtoreshë shkolle në qytetin e saj të lindjes, Gjakovë. Znj. Nagavci e zgjeroi fushëveprimin e saj profesional si trajnere, konsulente dhe këshilltare për udhëheqjen arsimore dhe të drejtat e fëmijës. Ajo ka qenë Drejtoreshë në Drejtorinë Komunale të Arsimit në Komunën e Prishtinës, para se të emërohej në krye të Ministrisë së Arsimit, Shkencës, Teknologjisë dhe Inovacionit të Republikës së Kosovës, në mars të vitit 2021. Znj. Nagavci ka dhënë kontribut të lartë në politikën kosovare gjatë dy mandateve të saj si deputete në Kuvendin e Kosovës dhe antare e Komisioneve Parlamentare për Arsim, Buxhet dhe Financa. Në vitin 2020, znj. Nagavci u votua si Zv/Kryetarja e parë grua në Kuvendin e Kosovës. Znj. Arbërie Nagavci mban dy tituj Bachelor në Gjuhë Shqipe & Letërsi dhe në Juridik, dhe titullin Master në Shkenca Juridike Ndërkombëtare.

Saxhide Mustafa është pjesë e Institutit Riinvest që nga viti 2003 dhe aktualisht mban pozitën Bashkëpunëtore e lartë. Prej vitit 2019 ajo është poashtu Kordinatore e Forumit Ekonomik të Grave. Ka diplomuar në Fakultetin Juridik – Universiteti i Prishtinës (2004), më pas ka përfunduar studimet Master në Kolegjin Riinvest me temën “Qeverisja Koorporative dhe Transparenca në Kompanitë Publike në Nivel Lokal – Rast Studimi Termokos Sh.A.” (2011). Në vitin 2019 ka përfunduar me sukses studimet e doktoraturës në Universitetin Publik të Tiranës – Fakulteti Ekonomik, me temë “Qeverisja Korporative dhe Performanca e Kompanive në Kosovë”. Ajo është Ligjëruese në Kolegjin Riinvest në lëndët: “Menaxhment” dhe “Etika dhe e Drejta Biznesore”. Ajo ka ndjekur disa trajnime në fushën e Qeverisjes Korporative, Menaxhimit të Riskut; Gratë në Lidership - programi i ndjekur në Kosovë dhe Uashington; Menaxhimi i Inovacionit; në fushën e ndërrmarrësisë dhe tranzicionit të gjelbër dhe në fushën e arsimit të lartë në kuadër të projekteve TEMPUS, CONSUS dhe ERASMUS, të ndjekura në Shtetet e Bashkuara të Amerikës, Gjermani, Austri, Itali, Shqiperi, Kosovë. Ajo gjithashtu ka mbi 15 vjet përvojë në projekte kërkimore në fushën e qeverisjes së korporatave, zhvillimit ekonomik lokal, fuqizimit ekonomik të grave.

Z. Isak Skenderi është drejtor ekzekutiv dhe një nga themeluesit e organizatës “Zëri i romëve, ashkalive dhe egjiptianëve” e cila synon të rrisë gjithëpërfshirjen e qytetarëve romë, ashkali dhe egjiptianë dhe komunitetet tjera të margjinalizuara. Z. Skenderi ka përfunduar studimet universitare në Fakultetin Ekonomik, në degën “Menaxhment dhe Sipërmarrje”. Gjithashtu ka studiuar gjuhë dhe letërsi angleze në shkollën e gjuhëve të huaja në Kembrixh në Prishtinë. Ajo që e shtyu atë në themelimin e organizatës "Zëri i Romëve, Ashkalive dhe Egjiptianëve" ishte pasioni i tij për drejtësi sociale, barazi dhe dëshira e tij për të kontribuar në një shoqëri multietnike dhe demokratike.

Lumir Abdixhiku është kryetar i Lidhjes Demokratike të Kosovës që nga 14 marsi 2021. Më parë ka shërbyer si Ministër i Infrastrukturës dhe Mjedisit në vitin 2020 dhe gjithashtu ka qenë kryetar i Komisionit për Buxhet dhe Financa në Kuvendin e Republikës së Kosovës nga viti 2017 deri në vitin 2019. Abdixhiku ka përfunduar studimet në Fakultetin Ekonomik në Universitetin e Prishtinë, ku më pas vazhdoi studimet pasuniversitare në Britaninë e Madhe, duke marrë titullin MSc në Ekonomi për Analizë Biznesi nga Universiteti Staffordshire. Ai mori doktoraturën pas katër viteve të kërkimit në fushën e ‘Përcaktuesit e evazionit tatimor të biznesit në ekonomitë në tranzicion’.

E diplomuar në Fakultetin Ekonomik në Universitetin e Prishtinës, ku aktualisht ndjekë edhe studimet master. Punën në Klan Kosova e ka nisur në janarin e vitit 2015. Për shtatë vjet ka punuar në portalin e Klan Kosovës, fillimisht si gazetare e më pas si redaktore. Tash e gati dy vite punon si redaktore në Lajmet Qendrore në Klan Kosova, derisa njëkohësisht është e angazhuar edhe si moderatore në emisionin informativ “Edicioni Special’’.

Laura Nichols është një eksperte e partive politike dhe programeve të fuqizimit të grave, e cila së fundi ka shërbyer si Drejtore e Lartë për Institutin Kombëtar Demokratik (NDI) në Armeni. Përvoja e saj ndërkombëtare përfshin katër vende përgjatë 14 viteve duke u mbështetur në një karrierë në role drejtuese në politikën kanadeze. Znj. Nichols ka shërbyer edhe më parë si drejtore rezidente për zyrat në terren të NDI-së në Liberi, Jemen dhe Kosovë për të mbështetur zgjedhjet, për të forcuar partitë politike, për të punuar me parlamentin dhe për të rritur angazhimin e qytetarëve për të rritur transparencën dhe integritetin e proceseve të reformës zgjedhore dhe kushtetuese. Përpara se t'i bashkohej NDI-së, znj. Nichols punoi në politikë në Kanada për 20 vjet, duke shërbyer në nivele provinciale dhe kombëtare të Partisë së Re Demokratike (NDP). Përveç punës si Sekretare e Partisë dhe Drejtore Ekzekutive për të dy seksionet e BC dhe Alberta, ajo shërbeu si Shefe e Shtabit për tre liderë të opozitës së NDP-së në legjislaturat provinciale dhe shefe e stafit për ish-udhëheqësin e NDI Alexa McDonough në parlamentin kombëtar të Kanadasë. Në këto role, znj. Nichols menaxhoi fushata të shumta politike dhe avokuese të çështjeve, shërbeu si një anëtare kyçe e komiteteve drejtuese të partisë dhe zhvilloi iniciativa për organizimin dhe mbledhjen e fondeve në bazë për partinë. Përvoja e qeverisë së znj. Nichols përfshin shërbimin si Shefe e Stafit të Ministrit të Financave dhe analiste politikash në zyrën e Kryeministrit të Kolumbisë Britanike. Znj. Nichols aktualisht banon në Belfast, Irlandë e Veriut dhe punon si konsulente dhe praktikuese për programet e zhvillimit ndërkombëtar dhe forcimit të demokracisë.

Teresa Crawford is the Chair of the Board of IPKO Foundation. She brings over 20 years of experience working in international nonprofits and social enterprises and currently also serves as a Program Design & Organizational Strengthening Consultant for Summit Foundation. Notably, Teresa played a leading role in the launch of IPKO in 1999 - the first post war Internet Service Provider in Kosovo, as well as the founding of IPKO Foundation - the first locally endowed foundation in the Balkans. Since then she has built successful foundations and strong nonprofits, working with leaders in over 50 countries. During her career, she has worked around the world on issues ranging from health equity to violence against women in war to citizen engagement in oversight and accountability of security forces. Teresa is a skilled leader, sought after facilitator and solution creator. She holds a BA in Politics, Peace and Justice Studies from the University of San Francisco, as well as a MA in Nonprofit Management and Policy from New York University.